КИНА-ШАНГАЈ-ПЕКИНГ, КИНА

КИНА ВО СЕПТЕМВРИ

Подетални информации за целокупното патување

Замисли како шеташ по древните камења на Кинескиот Ѕид, додека тишината на планините ти шепоти приказни стари илјадници години. Замисли како стоиш пред храм осветлен со фенери, а мирисот на темјан и звуците од древни мелодии го забавуваат времето.

Кина не е само дестинација – таа е свет сама за себе.Од хаотичната енергија на Шангај и романтиката на водените градови, до бескрајните чајни полиња, пагоди и вкусот на вистинска кинеска храна – ова патување е сензуално будење за сите сетила.

Овде, секој агол крие мит, секој залак раскажува култура, а секој чекор нуди нешто што ќе те промени.
Ќе видиш традиции што сѐ уште живеат, ќе почувствуваш душа стара илјадници години, и ќе разбереш зошто Кина е едно од најмагичните места на светот.

Не патуваш само низ простор – патуваш низ време, низ духот на една цивилизација која никогаш не престанала да се развива.
Со нас, ќе ја доживееш Кина како малкумина пред тебе.
Кина те чека. Подготвен ли си да се изгубиш – и повторно да се пронајдеш?

 

Во цената е вклучено:

• Авионски Билет на релација Скопје-Истанбул-Шангај со вклучен 30кг чекиран багаж и 8кг рачен багаж со Turkish Airlines
• Oрганизиран Трансфер од Аеродром во Шангај до Хотел
• Организира  Трансфер од Хотел во Шангај до Железничка станица во Шангај
• 4 ноќевања во 5* Хотел во Шангај со вклучен појадок
• Трансфер со експресен Воз до Пекинг
• Трансфер од Железничка станица во Пекинг до Хотел во Пекинг
• 5 ноќевања во 4* Хотел во Пекинг со вклучен појадок
• Претставник на дестинација

 

 

Во цената не е вклучено:

• Патничко Осигурување
• Доплата за еднокреветна соба (370 ЕУР )
• Факултативни Излети

 

 

 

Пакет Факултативни Излети - Доживеј ја Кина на најдобриот начин!

280 EUR / лице

 

Во овој пакет од излети ви се вклучени сите трансфери, лиценциран локален водич, лиценциран придружник, сите влезници за сите места кои се посетуваат.

БЕЗ СКРИЕНИ ТРОШОЦИ!

1. Shanghai City Tour
2. Посета на водниот град Xitang
3. Tiananmen Square, Forbidden City и Jingshan Park
4. Посета на Кинескиот Sид & Summer Palace
5. Temple Heaven, Lama Temple and Peking Duck

 

 

 

План за патувањето

ДЕН 1 СКОПЈЕ - SHANGHAI

Поаѓање од Аеродромот во Скопје во 12:30, преку Виена летаме за Шангај.

 

ДЕН 2 SHANGHAI

Пристигнуваме во Шангај околу 17:30. Со организиран превоз се упатуваме од аеродромот кон нашиот хотел и одмараме од долгиот пат. 

 

ДЕН 3 ФАКУЛТАТИВЕН ИЗЛЕТ SHANGHAI CITY TOUR

Замисли ден што започнува со утринска прошетка низ живописните улички на еден од најдинамичните градови во светот. Шангај те дочекува со своите контрасти – древни пагоди покрај огледала од стакло, мирис на темјан што тивко се меша со аромата на свежи чаеви и улична храна.

Ќе се восхитиш на елеганцијата на старата француска концесија, ќе прошеташ низ бујните градини и автентичните пазари, а потоа ќе застанеш на легендарниот Бунд – каде реката Хуангпу раскажува приказна за еден град што никогаш не престанува да сонува.

Секој чекор е фотографија. Секоја сцена – разгледница.
Ова не е обична прошетка низ град – ова е доживување што останува во срцето.

 

ДЕН 4 ФАКУЛТАТИВЕН ИЗЛЕТ XITANG 

Xitang е едно од најубавите водени гратчиња во Кина, познато по своите канали, стари куќи и тесни улички што водат покрај водата. Само на час и половина од Шангај, ова место нуди мирна атмосфера, совршена за прошетка, фотографирање и уживање во традиционална кинеска архитектура.

Ќе шетаме по старите мостови, ќе вкусиме локални закуски и ќе имаме слободно време за кафе покрај каналот или кратка возбудлива вожња со чамец. Ситан е совршено место за бегство од градската врева и запознавање со едно поавтентично лице на Кина.

 

ДЕН 5 СЛОБОДЕН ДЕН ВО SHANGHAI

Заедно ќе ги посетиме најпознатите и најавтентични делови на Шангај!

Yu Garden – прекрасна традиционална кинеска градина стара повеќе од 400 години, исполнета со езерца, мостови и автентична архитектура.

Chenghuangmiao – живописен дел од градот познат по традиционалните улички, локалните продавници и вкусниот street food, каде најдобро се чувствува духот на стара Кина.

Tianzifang – боемски и уметнички кварт со тесни улички, мали галерии, trendy кафулиња и уникатни бутици – совршено место за прошетка и фотки. 

 

ДЕН 6 PEKING

Со организиран трансфер се упатуваме кон главната железничка станица во Шангај. Се качуваме во Брз Воз кој ќе не однесе до Пекинг! Ова е искуство кое мораш барем еднаш да го почувствуваш на своја кожа!

Во Пекинг со организиран трансфер, се транспортираме од Железничката до Хотелот и одмараме!

 

ДЕН 7 ФАКУЛТАТИВЕН ИЗЛЕТ TIANANMEN SQUARE, FORBIDDEN CITY и JINGSHAN PARK

Овој ден го посветуваме на срцето на кинеската историја и култура. Ќе започнеме со прошетка низ Тјенанмен, најголемиот плоштад во светот и симбол на модерна Кина, каде се наоѓаат важни обележја како Маузолејот на Мао и Народниот конгрес.

Потоа влегуваме во спектакуларниот Забранет град – поранешната царска палата со над 900 згради, со вековна архитектура и богата историја што го прави едно од најимпресивните места во светот.

Екскурзијата ја заокружуваме со искачување на ридот во Паркот Џингшан, од каде се отвора панорамски поглед на целиот Забранет град – совршено место за фотографии и краток одмор.

 

ДЕН 8: ФАКУЛТАТИВЕН ИЗЛЕТ GREAT WALL OF CHINA & SUMMER PALACE

Овој ден е резервиран за две од највеличествените знаменитости на Кина.
Утрото го започнуваме со посета на едно од највпечатливите и најдобро зачувани делови на Кинескиот Ѕид – симбол на упорност и истрајност, долг над 20.000 километри. Ќе имаме време за прошетка, фотографирање и уживање во спектакуларните пејзажи кои се простираат до хоризонтот.

По пауза за ручек, продолжуваме кон Летната палата, поранешното летно прибежиште на кинеските цареви. Ќе прошетаме покрај прекрасното езеро Кунминг, ќе ги видиме раскошните павилјони и ќе ја почувствуваме спокојната убавина што царувала овде со векови.

Совршен баланс помеѓу природа, архитектура и историја – оваа тура ги прикажува двете лица на кинеското наследство: моќта и елеганцијата.

 

ДЕН 9: ФАКУЛТАТИВЕН ИЗЛЕТ TEMPLE HEAVEN, LAMA TEMPLE and PEKING DUCK 

На овој факултативен излет заедно ќе ги посетиме некои од најпознатите симболи на Пекинг!

Temple of Heaven –  древен комплекс од храмови кој некогаш го користеле кинеските императори за молитви и церемонии, денес едно од најзначајните историски места во Кина.

Lama Temple – еден од најубавите и најпознати будистички храмови во Пекинг, познат по мирната атмосфера, богатата декорација и огромната статуа на Буда.

А за крај – ќе уживаме во познатата Peking Duck, едно од најтрадиционалните и најпознати кинески јадења кое е вистински must try во Пекинг!

 

ДЕН 10 СЛОБОДЕН ДЕН ВО ПЕКИНГ 

Уживаме во овој магичен град! Купуваме сувенири и јадеме кинеска улична храна. Денес е ден за да се заљубиме во еден од најдревните градови на светот!

 

ДЕН 11 ПЕКИНГ - СКОПЈЕ

Во раните утрински часови, со организиран трансфер се упатуваме кон Аеродромот во Пекинг и поаѓаме накај Скопје.

Пристигнуваме во Скопје истиот ден.