КОСТУР-ПЕШТЕРАТА НА ЗМЕЈОТ- СВ.АХИЛ, ГРЦИЈА

ГРЦИЈА ЗА 24ТИ МАЈ

Подетални информации за целокупното патување

Во цената е вклучено:

-Автобуски превоз 

- Посета на Костур 

-Посета на црквата Св.Богородица 

-Посета на островот Ахил 

-Пратител 

Во цената не е вклучено:

- Патничко осигурување 

- Влезница во пештерата- 4е се плаќа на лице место 

-Индивидуални трошоци 

НАПОМЕНА:

• За реализација на аранжманот со автобуски превоз се потребни минимум 40 патници, за реализацијали со минибус/комбе.минимум 16 патници. 
• При отказ на аранжман ден пред поаѓање или на ден поаѓање – нема поврат на средства. Патникот за евентуален отказ е должен да ја извести агенцијата минимум два дена претходно. 
• Крајниот рок за известување за евентуален отказ од страна на агенцијата е два дена пред датумот на поаѓање. Организаторот на патувањето го задржува правото за измена на редоследот на поедини содржини во програмата доколку процени дека е неопходно.
• Патната исправа е лична обврска, при што важноста на пасошот треба да биде три месеци пред истекување. 
• Паузите и застанувањето на freeshop (на граница) ги организира организаторот во зависност од условите во сообраќајот.

План за патувањето

1 ден 24.05.26

Планирано поаѓање во утринските часови. Попатни паузи и царински формалности. Пристигнување во КОСТУР – прекрасен град сместен на брегот на Костурско езеро, познат по својата уникатна архитектура, калдрмисани улички, традиционални куќи и повеќе од 50 цркви кои сведочат за неговото културно наследство. Костур е исто така познат како центар на кожна индустрија со бројни продавници и можност за шопинг. Традиција на населението е производството и трговијата со крзна и кожи. Има околу 300 мали и поголеми фабрики за обработка на кожа и крзно. Дел од жителите егзистираат од туризам, производство на вино и риболов, затоа што во водата на езерото има стотици видови на риби. Прошетките покрај езерото со прекрасен поглед го прави градот идеално место за еднодневно бегство од секојдневието.

Прво ќе ја посетиме “пештерата на змејот”  магичната Пештера на Змејот под карпите на градот, кој е простор стар шест милиони години. Пештерата има седум езера длабоки од 3-8 м. и безброј сталактити, сталагмити, фигури и композиции кои ги сокрило времето. Откриена во 40-тите години на минатиот век од генерал Соунгариди. Ја нарекол Пештера на змејот, врзувајќи ја со една локална легенда. Откритието е потврдено 1954 г. На реконструкцијата и реставрацијата се работело 10 години од 2000 – 2009 г.

Потоа ќе ја посетиме црквата Света Богородица Мавровска“ или Мавриотица (грчки: Παναγία Μαυριώτισσα, Панагија Мавриотиса или Μεσονησιώτισσα, Месонисиотиса) — православен манастир изграден во X век, во времето на Охридската архиепископија, кој денес ѝ припаѓа на Костурската епархија на Цариградската патријаршија.

По посетите на овие места одиме во центарот на градот каде ќе имаме околу три часа слободно време за индивидуални активности.

Во договорено време собир на групата и поаѓање кон островот Св.Ахил во грчкиот дел од малото Преспанско езеро. Над селото е базиликата и остатоците од средновековниот град Преспа, кој во 10 век го подигнал Цар Самоил. Во руините на базиликата Св. Ахил во 1969 година е пронајден неговиот гроб. Мирот и тишината во селото, преубавиот поглед од горниот дел предизвикуваат чуство дека времето застанало во други периоди. До островот се пристигнува преку понтонски мост кој го поврзува со копното.

Враќање за Македонија во попладневните часови.