ПОРТУГАЛИЈА ВО МАРТ, ПОРТУГАЛИЈА

ПОРТУГАЛИЈА ЗА 8МИ МАРТ

Подетални информации за целокупното патување

Во цената е вклучено :

• Авионски превоз со Lufthansa на релацијата Скопје – Франкфурт- Порто и Лисабон – Цирих – Swiss International Airlines – Скопје
• Аеродромски такси
• Рачен багаж (1 ташна /торба до 8 kg) • Трансфер од аеродромот до хотелот во Лисабон
• Трансфер од Порто до Лисабон со попатни разгледи на Коимбра, Батаља, Алкобака според програмата
• Трансфер од хотелот во Порто до аеродром
• 3 ноќевања со појадок во хотел 4* во Лисабон  Во цената е вклучено :
• Авионски превоз со Lufthansa на релацијата Скопје – Франкфурт- Порто и Лисабон – Франкфурт – Скопје
• Аеродромски такси
• Рачен багаж (1 ташна /торба до 8 kg) • Трансфер од аеродромот до хотелот во Лисабон
• Трансфер од Порто до Лисабон со попатни разгледи на Коимбра, Батаља, Алкобака според програмата
• Трансфер од хотелот во Порто до аеродром
• 3 ноќевања со појадок во хотел 4* во Лисабон https://www.olissippohotels.com/olissippo-marques-de-sa/
• 3 ноќевања со појадок во хотел 3* во Порто  https://www.trypportocentro.com/en/
• Професионална организација на аранжманот и придружник на патувањето
•  

Во цената не е вклучено :

Разглед и прошетка низ Лисабон 30 еур Разглед и прошетка низ Порто 30 еур

Туристичка такса се плаќа во хотелите на рецепција

• Чекиран багаж / куфер – со доплата (цена два дена пред поаѓање)
• Факултативен излет во околината на Лисабон (Синтра, Кабо да Рока, Кашкаиш, Есторил) со вклучена влезница за Палата Пена – 100 евра (задолжително пријавување во агенција, при резервација)
• Факултативен излет Брага и Гимараеш – 110 евра (пријавување во агенција),
• Факултативна вечера со Фадо – 100 евра – трансфер, ноќен панорамски разглед на Лисабон, вечера со програма, вкупно времетраење околу 4 часа (задолжително пријавување во агенција, при резервација)
• Влезници во локалитетите и манастирите
• Карти за локален превоз (метро)
• Задолжително патничко – здравствено осигурување
•  

Лисабон и Порто, два од најзначајните и најпопуларни градови во Португалија, го отсликуваат најдоброто од оваа земја: од богатата историја до современата култура, од старите традиции до новите трендови. Иако двата града се уникатни на свој начин, делат една заедничка карактеристика: секој посетител ќе најде нешто што ќе го привлече, било тоа да е низ тесните, калдрмести улици или поглед кон реката која ги разделува.Лисабон, главниот град на Португалија, се простира на брегот на реката Тагус и претставува динамичен микс на историја и модерност. Старите квартови како Алфама, со своите криви улички и камени фасади, зборуваат за минатото на градот, додека новите и иновативни структури, како што се музеите на уметност и архитектура, го покажуваат неговото современо лице. Лисабон е град кој секој посетител го доживува со сите свои сетила – од мирисот на морето и свежата риба во рестораните до звуците на традиционалната музика фадо во старите кафулиња и на улиците.Од друга страна, Порто, кој се наоѓа на северот на земјата, има свој уникатен шарм. Градот е познат по својот историски центар, кој е еден од најстарите и најдобро сочуваните во Португалија, и по своето винско наследство. Со поглед на реката Дуоро, Порто привлекува туристи кои сакаат да ги истражуваат винските подруми и да се претопат со традицијата на производството на познатото вино. Порто е град кој изобилува со историски богатства ,но истовремено е динамичен, исполнет со уметнички галерии, музички настани и кафулиња во кои времето, како да застанало.Двата града нудат магија која ќе ве освои на различен начин. Лисабон, со своите светли и модерни фасади, динамичен но и опуштен, е совршено место за љубителите на урбана култура и историја. Порто, пак, со својата топла атмосфера и силна поврзаност со традицијата, ги привлекува оние кои сакаат да се потопат во автентичната португалска култура. Португалија ќе ве воодушеви со својата разновидност и топлина.

План за патувањето

ДЕН 1  06.03.2026 

Состанок на Мегународниот аеродром во Скопје во 14:00 часот. Полетување за Порто во 16:30 со транзит во Франкфурт и пристигнување во Порто во 22:25. Организиран трансфер до хотел и сместување. Ноќевање.

ДЕН 2   07.03.2026 ПОРТО

Појадок. Организиран разглед на Порто, вториот по големина град во Португалија и град кој во 1996 година беше ставен на листата на светското наследство на УНЕСКО. Ќе започнеме со прошетка низ Авенијата Алиадос, едно од најважните места во Порто, а потоа ќе ја посетиме Катедралата на Порто, позната по својата готска архитектура и прекрасните погледи на градот. Ќе продолжиме до Берзата, која е дел од историскиот центар на Порто, и ќе ја разгледаме Црквата на Свети Франциск, која е позната по своите златни барокни резби. Порто е тесно поврзан со реката Дуоро и едно од најимпресивните места во градот е мостот Луис I, кој е изграден од учениците на познатиот инженер Густав Ајфел. Од мостот се откриваат неверојатни погледи на реката и градот. Исто така, ќе направиме обиколка по речниот брег во квартот Вила Нова де Гаја, каде се сместени многу винарии кои нудат дегустации на локалните вина. Виното од регионот на Дуоро е познато како едно од најдобрите во Европа, па ова е совршена прилика да се запознаеме со винската традиција на Порто. По оваа авантура, враќање во хотел. Ноќевање.

ДЕН 3   08.03.2026 БРАГА – ГИМАРАЕШ

По појадокот, денот е наменет за одмор или за изборна екскурзија низ живописниот север на Португалија. Патувањето започнува со Брага – еден од најстарите португалски градови и духовен центар на регионот Мињо, со значајно наследство од римскиот период. Следи разглед на градот и посета на неговата катедрала, по што се упатуваме кон познатото светилиште Бом Жезус ду Монте, сместено високо над градот и достапно преку монументално скалило во барокен стил.

Патувањето продолжува кон Гимараеш, град со исклучително историско значење, познат како местото каде започнува португалската државност. Овде е роден Алфонсо Хенрикеш, првиот крал на Португалија, а неговото наследство е видливо во палатата на војводите од Браганса и во старото градско јадро. Прошетка до дворецот Дукал (билетот не е вклучен во цената, може да се купи индивидуално) потоа пешачка прошетка и слободно време за уживање во автентичната атмосфера на градот Враќање во Порто. Ноќевање.

ДЕН 4   09.03.2026 КОИМБРА – БАТАЉА – АЛКОБАКА – ЛИСАБОН

Појадок. Поаѓање кон Лисабон, а попатно одиме на места кои се многу значајни за португалската историја, архитектура и култура, и се дел од патувањето кое ви овозможува да ја доживеете традицијата и убавината на оваа земја. Коимбра е стар и историски град, домаќин на еден од најстарите и најважни универзитети во Европа. Потоа патувањето продолжува кон Батаља, каде ќе го посетиме манастирот Санта Марија да Виторија, еден од најважните споменици на Португалија. Овој манастир е ремек-дело на готската архитектура и е вклучен на листата на светското културно наследство на УНЕСКО. Следно се упатувме кон Алкобака, каде се наоѓа манастирот Санта Марија д’Алкобака. Овој манастир е основан во 12-ти век од кралот Алфонсо I и се смета за едно од најзначајните црковни ремек-дела на Португалија

После разгледувањето на овие неверојатни историски и архитектонски споменици, ќе продолжиме кон Лисабон каде се сместуваме во хотел. Вечерта, слободно време за да прошетка низ Порто. 

ДЕН 5   10.03.2025 – ЛИСАБОН

Појадок. Целодневен автобуски органзиран разглед на главните обележја на Лисабон : Мостот 25. април – најдолгиот висечки мост во Европа – и мостот Васко да Гама кој го носи името по португалскиот морепловец и истражувач (1469 – 1524). Тој бил првиот човек кој по морски пат стигнал од Европа до Индија и покажал дека Африка може да се заобиколи. Лисабон е град кој нуди многу фасцинантни атракции, а меѓу најинтересните места се Ориент станица, Белем и Океанариумот на Лисабон. Овие локации претставуваат совршен спој на модерната архитектура, историското богатство и природната убавина, кои го прават Лисабон уникатен. Ориент станица, сместена во источниот дел на Лисабон, е една од најважните и најсовремените железнички станици во градот. Проектот за изградба на станицата бил реализиран за време на Меѓународната изложба на Лисабон (Expo ’98), а самата станица е пример за футуристичка архитектура. Дизајнирана од шпанскиот архитект Сантијаго Калатрава, Ориент станица се карактеризира со елегантни метални конструкции и стаклени панели кои создаваат впечатлив простор полн со светлина. Станицата не само што е функционална, туку е и туристичка атракција, бидејќи нејзиниот уникатен изглед привлекува многу посетители и фотографи. Ориент станица, продолжуваме кон Белем, историскиот кварт кој е дом на некои од најголемите знаменитости во Лисабон. Белем е познат по своите историски споменици, како што се Торњот на Белем и Манастирот Жеронимуш, но исто така е и местото каде што се наоѓа Океанариумот на Лисабон. Океанариумот, еден од најголемите во Европа. Со својата фасцинантна архитектура и огромен резервоар со морски живот, Океанариумот е место кое ќе ги воодушеви сите љубители на природата и животинскиот свет. Овде ќе уживаме во разгледувањето на различни морски екосистеми и да се видат некои од најинтересните морски видови, како ајкули, пингвини, морски лавови и многу други. Нашето патување го продолжуваме кон Алфама и возењето со трамвајот бр. 28. Слободно време за индивидуални активности. Факултативно,вечера со ритамот на специфичната португалска музика Фадо. Ноќевање

ДЕН 6  11.03.2025 ЛИСАБОН – (СИНТРА – КАБО ДА РОКА – КАШКАИШ – ЕШТОРИЛ) – ЛИСАБОН

Појадок. Факултативно – незаборавен излет до магичниот град Синтра. По пристигнувањето во Синтра, разгледување на Националната палата, исто така позната како Градска палата, која е историска куќа-музеј. Оваа палата е најдобро сочуваната средновековна кралска резиденција во Португалија и значајна туристичка атракција. Таа е дел од културниот пејзаж на Синтра, која во списокот на светското наследство на УНЕСКО. Синтра е позната по своите палати и замоци, и многу туристи ја посетуваат токму поради оваа убавина и историски значај. По разгледувањето на Синтра, патувањето продолжува со пауза на најзападната точка на континенталниот дел на Европа – Кабо да Рока. Кабо да Рока е исто така познат по својот впечатлив црвено-бел светилник кој доминира на р‘тот и целата регија. Овој дел од Португалија е познат по својата природна убавина и е совршено место за фотографирање. Потоа, патувањето продолжува до Кашкаиш и Ешторил, популарни излетнички места, кои се сместени на атрактивната португалска ривиера. Кашкаиш е познат по својата убава плажа, шармантни улици и многу ресторани и кафулиња, каде што посетителите можат да се опуштат и уживаат во мирниот медитерански амбиент. Ешторил е исто така познат по своите луксузни хотели и казина, како и по долгата историја на висококласни летувалишта. Слободно време за индивидуални активности. Ноќевање.

ДЕН 7  12.03.2025

Појадок. Организиран трансфер до аеродромот во Лисабон. Полетување за Цирих во 12:35 часот. Пристигнување во Цирих во 16:25 часот и полетување за Скопје во 18:25 часот. Слетување во Скопје во 20:25 часот.