СВ. НЕКТАРИЈ ЕГИНСКИ, СВЕТИ ЕФРЕМ НОВИ, МАНАСТИР ПАНТОКРАТОР, Грција

ОСТРОВ ЕГИНА

Подетални информации за целокупното патување

Во цената на аранжманот е вклучено:

• Патување на наведената релација со високотуристички автобус;

• Едно ноќевање во хотел;

• Патување со траект;

• Организација и водство на групата;

Во цената на аранжманот не е вклучено:

• Здравствено-патничко осигурување;

• Индивидуални трошоци;

Напомена:

• Агенцијата има право за промена на програмата во однос на моменталната состојба

• При посета на црквите, мастирите и верските објекти, согласно христијанските и црковните канони (начин на облекување и однесување во нив), од верниците се очекува придржување до нив. Во манастирите жените влегуваат со долго здолниште и шамија или марама, а мажите со долги пантолони.

План за патувањето

Ден 1 (23.04.2026 год.)

Состанок на групата во 19:00 часот на Спортска Сала - Битола. Поаѓање за Грција во 19:15 часот, преку граничниот премин Меџитлија. Ноќно патување со царински формалности и попатни паузи.

Ден 2 (24.04.2026 год.)

Утрото се пристигнува во местото Неа Макри, во манастирот посветен на Св.Ефрем Нови, во близина на Атина. Присуство на Св.Божествена Литургија и поклонение на светињите во манастирот. Потоа посета на манастирот Пантократор, покленение на моштите на светите маченици, а од таму се поаѓа за Атина, во Пиреа, од каде со траект се патува за островот Егина. Сместување во хотел. Ноќевање.

Ден 3 (25.04.2026 год.)

Присуство на Света Божествена Литургија, поклонение на моштите на Свети Нектарие Егински, како и посета на целиот манастирски комплекс (гробот, неговиот дневен престој, негови ракотворби, иконата на Пресвета Богородица пред која ја испеал најубавата химна на Пресветата: “Света Дево владичице, нескверна Богородице, – Радујсја невесто неневесна….’’). Попладне, со траект до Пиреа – Атина и патувањето продолжува за Битола, со попатни паузи и царински формалности.